Kurganlik fuqaro o‘g‘irlangan iPhone’ni qulfdan chiqara olmagani sababli Apple kompaniyasini sudga bermoqda.

Apple servis markazi bir kishiga qurilmaning avvalgi egasini topishni maslahat berdi.

Kurganlik fuqaro bozordan sotib olingan, ishlatilgan iPhone 5 telefonining blokirovkasini yechib bo‘lmagani sababli Moskvadagi Tver sudiga Apple kompaniyasiga qarshi da’vo arizasi bilan murojaat qildi. Bu haqda Mash Telegram-kanali xabar berdi. Telefonni sotib olgach, erkak unda «Find My iPhone» (iPhone-ni topish) funksiyasi faollashtirilgani va qurilma bloklanganini aniqladi. U qurilmani olib borgan Apple servis markazi xodimlari blokirovkani yechishdan bosh tortishdi; ular, shuningdek, qurilma katta ehtimol bilan o‘g‘irlangan bo‘lishi mumkinligini aytib, mijozga AQShda yashovchi avvalgi egasini topishni maslahat berishdi.

Kurganlik bir fuqaro xizmat ko‘rsatish markazi xodimlarining maslahatiga quloq solmay, smartfonni bloklash funksiyasini olib tashlashni talab qilgan holda Apple kompaniyasini sudga berishga qaror qildi.

Eslatib o‘tamiz, Apple vakillari avvalroq huquqni muhofaza qiluvchi organlar tomonidan qurilmalarda saqlanayotgan ma’lumotlarga kirish uchun foydalaniladigan vositalardan himoyalanish maqsadida iPhone sozlamalarini o‘zgartirish rejalarini e’lon qilgan edilar.