Lenovo xodimining noutbuki o’g’irlangan, unda minglab xodimlarning shifrlangan ish haqi ma’lumotlari bo’lgan.

Noutbukda xodimlarning ismlari, maoshlari va bank hisob raqamlari haqidagi ma’lumotlar mavjud edi.

Singapurdagi Lenovo xodimining korporativ noutbuki o’g’irlangan. Unda Osiyo-Tinch okeani mintaqasidagi xodimlarning shifrlanmagan ish haqi ma’lumotlari bo’lgan. The Register nashrining xabar berishicha, hodisa shu yilning 10 sentyabrida sodir bo’lgan, ammo ishlab chiqaruvchi xodimlarga ichki bildirishnomani faqat 21 noyabrda yuborgan. Xabarga ko’ra, o’g’irlangan noutbukda xodimlarning ismlari, maoshlari va bank hisob raqamlari kabi shifrlanmagan ish haqi ma’lumotlari bo’lgan. Lenovo butun dunyo bo’ylab 54 000 dan ortiq odamni ish bilan ta’minlaydi.

Kompaniya hali «ma’lumotlardan foydalanish yoki ularni buzish»ga oid dalillarni topmaganligini ta’kidladi, ammo odamlarga «bank hisoblaridagi g’ayrioddiy faoliyatni kuzatib borish, fishing hujumlaridan ehtiyot bo’lish va shubhali tranzaksiyalar haqida darhol moliya institutlariga xabar berish»ni tavsiya qildi.

O’tgan yilning may oyida NATO Kiber mudofaa vakolatlari markazi shtab boshlig’i Frans Lantenxammer o’g’rilar qurboni bo’lgan. Bosqinchilar uning mashinasiga bostirib kirib, shaxsiy buyumlarini, shuningdek, Bundesver Lenovo noutbukini va shifrlangan maxfiy ma’lumotlar saqlanadigan beshta flesh-diskni o’g’irlashgan.