Linux asosidagi qurilmalardan DDoS botnet faolligi 25% ga oshdi.

2018-yilning ikkinchi choragida tajovuzkorlar 74 mamlakatdagi resurslarga hujum qilish uchun DDoS botnetlaridan foydalanganlar.

“Kasperskiy laboratoriyasi”ning kiberxavfsizlik bo‘yicha mutaxassislari 2018-yilning ikkinchi choragida DDoS hujumlari bo‘yicha hisobotni e’lon qildi.Ma’lumotlarga ko‘ra, hujumlarni amalga oshirish uchun tajovuzkorlar turli xil IOT qurilmalari, masalan, printerlar va videokuzatuv kameralaridan iborat yangi botnetlarni yaratmoqda. Mutaxassislarning fikricha, hujumlar paytida xakerlar allaqachon ma’lum bo’lgan zaifliklardan, masalan, 2001 yilda Universal Plug-and-Play protokolida aniqlangan muammodan, shuningdek, asosan printerlar va nusxa ko’chirish mashinalari tomonidan qo’llaniladigan CHARGEN protokolidagi zaiflikdan foydalanadi.

2018-yilning ikkinchi choragida kiberjinoyatchilar 74 mamlakatdagi resurslarga hujum qilish uchun botnetlardan foydalanganlar. Hujumlar soni bo’yicha Xitoy birinchi (59,03%), Gonkong ikkinchi (17,13%) va Qo’shma Shtatlar uchinchi (12,46%) o’rinni egalladi. Rossiya hujum qilingan tizimlar va xizmatlar soni bo’yicha birinchi o’ntalikka kirmadi. Eng ko’p faol C&C serverlari Qo’shma Shtatlarda aniqlandi (45%).

Hisobotga ko’ra, Windows OS operatsion tizimida ishlaydigan qurilmalardan tashkil topgan botnetlarning faolligi qariyb 7 baravar kamaygan, Linux operatsion tizimida ishlaydigan qurilmalardan tashkil topgan botnetlarning faolligi esa 25 foizga oshgan.

DDoS hujumlaridan pul ishlashning mashhur usuli bu kriptovalyuta birjalariga qilingan hujumlardir.

«DDoS hujumlari nafaqat raqobatchilarning investorlar bazasini ko’paytirishiga to’sqinlik qilish uchun, balki toza foyda olish usuli sifatida ham qo’llaniladi. Bunga odatiy misol Verge valyutasi bilan bog’liq holat: may oyi oxirida xaker mayning hovuzlariga hujum qildi va jimgina 35 million XVG (1,7 million AQSh dollari) ni o’g’irladi», deb ta’kidladi tadqiqotchilar.

Bundan tashqari, xakerlar kibersport maydonlariga hujum qilib, o’yin serverlarini ham, individual o’yinchilarni ham nishonga olishmoqda.

«DDoS hujumlari turli sabablarga ko’ra bo’lishi mumkin: siyosiy yoki ijtimoiy norozilik, shaxsiy qasos yoki raqobatbardosh kurash. Biroq, aksariyat hollarda ular foyda olish uchun ishlatiladi. Shuning uchun jinoyatchilar ko’pincha katta miqdordagi pullar aylanib yuradigan kompaniyalar va xizmatlarni nishonga olishadi, bu pullar DDoS hujumidan tutun pardasi sifatida foydalanib o’g’irlanishi, DDoS hujumini bekor qilish uchun to’lov sifatida olinishi yoki vijdonsiz raqobatchi nomidan hujum qilishdan foyda ko’rishi mumkin», deb xulosa qilishdi mutaxassislar.