LinuxForums.org veb-saytining xakerlar tomonidan buzib kirilishi 276 000 foydalanuvchiga ta’sir ko‘rsatgan ma’lumotlar sizib chiqishiga olib keldi.

Saytda vBulletin dasturiy ta’minotining eskirgan versiyasi ishlatilayotgan edi.

LinuxForums.org hamjamiyat saytiga uyushtirilgan hujum natijasida tajovuzkorlar 276 000 ta noyob elektron pochta manzili, shuningdek, foydalanuvchi nomlari, IP-manzillar va parollarning hesh-qiymatlari saqlangan ma’lumotlar bazasini qo‘lga kiritdilar. Ma’lumotlar sizib chiqishi holatlarini kuzatib boruvchi haveibeenpwned.com resursi ma’lumotlariga ko‘ra, ushbu hodisa joriy yilning 1-may kuni sodir bo‘lgan. Xabarlarga ko‘ra, saytda vBulletin platformasining eskirgan versiyasidan foydalanilgan va parollar MD5 algoritmi yordamida shifrlangan. LinuxForums.org ma’murlari hali ushbu hodisa yuzasidan hech qanday xabar bermadilar va masala bo‘yicha ular bilan bog‘lanishga qaratilgan urinishlarga javob qaytarmadilar.

O‘tmishda vBulletin dvigitelidagi zaifliklar turli forumlarda — jumladan, Brazzers, Epic Games, Dota 2 Dev, Clash of Kings, Clash of Clans, Xbox360ISO.com va PSPISO.com, shuningdek, Mail.ru subdomenlari va huquqni muhofaza qilish organlarining PoliceOne portalida — foydalanuvchi ma’lumotlarining sizib chiqishiga bir necha bor sabab bo‘lgan.