Mashhur fitness ilovasining 100 milliondan ortiq foydalanuvchisi ma’lumotlarning o’g’irlanishidan zarar ko’rdi.

Foydalanuvchilarning shaxsiy ma’lumotlari dastur ishlab chiqaruvchisining himoyalanmagan serverlarida saqlangan.

Mashhur FitMetrix fitness ilovasi ortidagi Mindbody kompaniyasi 100 milliondan ortiq foydalanuvchilarning ma’lumotlarini yetarli darajada himoya qila olmadi. Xavfsizlik bo’yicha tadqiqotchi Bob Diachenko millionlab foydalanuvchilarning shaxsiy ma’lumotlarini hech qanday himoyasiz saqlagan uchta Mindbody serverini aniqladi. Ma’lumotlar qancha vaqt davomida ommaga ochiq bo’lib qolgani noma’lum. Biroq, Shodan qidiruv tizimi o’tgan oydan beri serverlarni indekslab kelmoqda. Ikkita server ElasticSearch implementatsiyasi, biri esa saqlash serveri bo’lib xizmat qiladi. Uchala server ham Amazon Web Service’da joylashtirilgan. Parol himoyasi uchta serverda ham mavjud emas edi, bu esa qayerga qarashni bilgan har bir kishiga fitness ilovasi foydalanuvchilarining 113,5 million yozuviga kirish imkonini berdi.

Har bir yozuvda foydalanuvchining ismi, jinsi, elektron pochta manzili, telefon raqami, profil fotosurati, asosiy mashg’ulot joyi, favqulodda vaziyatlar uchun aloqa ma’lumotlari va boshqalar mavjud. Ba’zi hollarda, hatto poyabzal o’lchami, bo’yi va vazni ham kiritilgan. Oqishdan jabrlangan foydalanuvchilarning aniq soni noma’lum.

Dyachenko Mindbody’ga muammo haqida bir hafta oldin elektron pochta orqali xabar bergan edi, ammo kompaniya uni TechCrunch ular bilan bog‘langanidan keyingina hal qildi.