Mask Cambridge Analytica mojarosidan keyin Facebook’dan Spacex va Tesla sahifalarini olib tashlashga rozi bo‘ldi

Mask Cambridge Analytica mojarosidan keyin Facebook’dan Spacex va Tesla sahifalarini olib tashlashga rozi bo‘ldi

Cambridge Analytica 50 million ijtimoiy tarmoq foydalanuvchisidan ma’lumotlarni to’pladi va ularni uchinchi tomonlar bilan baham ko’rdi.

SpaceX va Tesla asoschisi Elon Musk foydalanuvchi ma’lumotlarini to’plagan va noqonuniy ravishda uchinchi tomonlar bilan baham ko’rgan yirik tahlil firmasi Cambridge Analytica bilan bog’liq janjaldan so’ng o’z kompaniyalarining Facebook sahifalarini o’chirib tashladi.

O’tgan hafta Uzsoft xabar berganidek, Facebook 50 million foydalanuvchidan ma’lumot to’plagan Cambridge Analytica sahifasini blokladi. Xususan, firma saylov natijalarini bashorat qilish va ta’sir ko’rsatishga qodir kuchli dasturiy ta’minot yaratish uchun amerikalik saylovchilar haqida ma’lumot to’plagan. Facebook vakillarining so’zlariga ko’ra, ma’lumotlarni to’plash noqonuniy emas va psixologik tadqiqot ilovasi thisisyourdigitallife yordamida amalga oshirilgan. Biroq, ma’lumotlarni uchinchi tomonlar bilan ulashish Facebookning maxfiylik siyosatini buzadi.

Yuqoridagilarni inobatga olgan holda, WhatsApp asoschilaridan biri Brayan Akton #deletefacebook xeshtegi bilan Twitter flesh-mobini ishga tushirdi va foydalanuvchilarni ijtimoiy tarmoqdagi akkauntlarini o’chirishga chaqirdi. Mask Aktonning tvitiga javob berdi. «Facebook nima o’zi?» deb yozgan milliarder. Boshqa foydalanuvchilar unga SpaceX va Tesla akkauntlarini o’chirishni taklif qilishganda, Mask ularning mavjudligini bilmasligini ham aytdi. «Bajaraman», deb javob berdi u.