Nano Wallet kriptovalyuta hamyoni foydalanuvchilari barcha mablag‘larini yo‘qotib qo‘yishlari mumkin.

Hamyon ishlab chiquvchilari foydalanuvchilarga mablag’larini iloji boricha tezroq yechib olishni maslahat berishdi.

Yaqinda chiqarilgan Nano Wallet ishlab chiquvchilar guruhi zaiflik aniqlangani sababli foydalanuvchilarga hamyonda saqlangan barcha mablag’larni darhol yechib olishni maslahat berdi. Xavfsiz tasodifiy sonlar generatoridan foydalanish bilan bog’liq kamchilik ilova ishga tushirilgandan bir necha soat o’tgach aniqlandi. Ishlab chiquvchilar guruhi darhol muammoni hal qilish ustida ish boshladi.

Keyinroq Nano Wallet vakillari Reddit tarmog‘ida muhokama mavzusini ochib, ushbu zaiflik aslida jiddiy xavf tug‘dirmasligini ta’kidlashdi; chunki undan muvaffaqiyatli foydalanish uchun jabrlanuvchi bo‘lishi mumkin bo‘lgan shaxsning smartfoniga xotira manzillari maydoniga kirish huquqiga ega zararli dastur o‘rnatilgan bo‘lishi talab etilardi. Holbuki, mazkur maydonga kirish tizimda zararli dastur mavjudligini fosh qilgan bo‘lardi.

Maʼlumot eʼlon qilingan paytda Reddit’dagi post ishlab chiquvchilar tomonidan o‘chirib tashlangan edi.