NATO yangi kiber qo’mondonlik markazini ishga tushiradi

Markaz 2023-yilga kelib to’liq jihozlangan va faoliyat yuritishi kerak.

Shimoliy Atlantika alyansi kiberhujumlarni to’xtatish va amalga oshirishga qodir yangi kiber qo’mondonlik markazini ishga tushirish niyatida. Euractiv ma’lumotlariga ko’ra, yangi tuzilma 2023-yilga kelib to’liq xodimlar bilan ta’minlanishi va faoliyat yuritishi kutilmoqda. Nashrning ma’lumotlariga ko’ra, Belgiyaning Mons shahridagi yangi kiberoperatsiyalar markazi 2023-yilga kelib harbiy razvedka va ma’lumotlarni real vaqt rejimida oladigan 70 nafar mutaxassisdan iborat bo’ladi.

«Bizning asosiy maqsadimiz kibermakonimizni to’liq tushunish, tarmoqlarimizning holatini daqiqama-daqiqa tushunishdir, toki qo’mondonlar ularga ishonishlari mumkin bo’lsin», dedi NATO Aloqa va axborot agentligining kiberxavfsizlik bo’limi rahbari Ian Vest.

Eslatib o’tamiz, NATO bosh kotibi Yens Stoltenberg ilgari Rossiyadan jiddiy kiberhujumlar bo’lgan taqdirda NATO mamlakatlarining kollektiv mudofaa to’g’risidagi 5-moddani qo’llash imkoniyatini tan olgan edi.