NIST shifrlash standarti 250 milliard dollar iqtisodiy foyda keltirdi

Taxminiy xarajat-foyda nisbati 1976 ga 1 ni tashkil qiladi.

AQSh Savdo Departamentining Milliy Standartlar va Texnologiyalar Instituti (NIST) so’nggi 20 yil ichida Kengaytirilgan Shifrlash Standartini (AES) joriy etishning foydasini 250 milliard dollarga baholagan tadqiqotni e’lon qildi. AES – bu elektron ma’lumotlarni shifrlash va shifrini ochish uchun ishlatiladigan kriptografik algoritm. U 2001-yil noyabr oyida federal hukumat tomonidan foydalanish uchun tasdiqlangan va o’shandan beri turli korxonalar tomonidan keng qo’llanilmoqda. Bugungi kunda AES maxfiy ma’lumotlarni, bank operatsiyalarini, onlayn-do’konlarni, ijtimoiy tarmoq ilovalarini va boshqalarni himoya qilish uchun ishlatiladi.

Yangi tadqiqotga ko’ra, NISTning AESga investitsiyalari sezilarli darajada o’zini oqladi. Butun AQSh iqtisodiyoti uchun taxminiy xarajat-foyda nisbati 1976 ga 1 ni tashkil etadi (1996 yildan 2017 yilgacha).

«Investitsiyalardan olinadigan ushbu ajoyib daromadlilik ko’rsatkichlari bunday tadqiqotlar va ishlanmalarning ham xususiy sektor, ham kengroq Amerika iqtisodiyoti uchun iqtisodiy foydasini ko’rsatadi», dedi NIST direktori Valter Kopan.

Hisobot shifrlash apparati va dasturiy ta’minotini ishlab chiquvchi davlat va xususiy sektorlarning shifrlash tizimi foydalanuvchilari o’rtasida o’tkazilgan so’rovnomaga asoslangan.

“AES butun dunyo boʻylab IT tizimlariga ishonchni mustahkamlashda juda muvaffaqiyatli boʻldi. Biz algoritm vaqt sinovidan oʻtganidan va ham davlat, ham xususiy tizimlardagi keng turdagi tijorat mahsulotlarining xavfsizligini taʼminlaganidan mamnunmiz”, deb taʼkidladi tashkilot.