O’smir ish qidirib Apple serverlarini buzib kirdi

Kompaniyaning 16 yoshli muxlisi shunchaki e’tiborni jalb qilishga va ishga kirishga harakat qilardi.

Apple’ning haddan tashqari g‘ayratli muxlisi ishga joylashish niyatida kompaniyaning korporativ tarmoqlariga buzib kirganlikda aybini tan oldi. The Register ma’lumotlariga ko’ra, mamlakat qonunchiligiga muvofiq ismi oshkor etilmagan avstraliyalik 16 yoshli o’smir soliq serverlariga buzib kirib, 90 Gb ma’lumotni yuklab olib, «hacky hack hack» deb nomlangan papkada saqlagan. Yigitning advokatlariga ko‘ra, buzg‘unchilik g‘arazli niyatsiz, biroq Apple ishiga qoyil qolish uchun amalga oshirilgan. Kompaniyaning yosh muxlisi faqat uning e’tiborini jalb qilishni xohladi. Biroq, endi u ish o’rniga jazoga duch kelmoqda.

Avstraliya ommaviy axborot vositalarining xabar berishicha, Apple o’tgan yili xakerlik hujumini aniqlagan va FQB bilan bog’langan. Avstraliya huquqni muhofaza qilish organlari bilan hamkorlikda FQB yuqorida tilga olingan o’smirga tegishli qurilmalarga hujum manbasini aniqlashga muvaffaq bo’ldi. Huquqni muhofaza qilish organlari uning Melburndagi uyiga tashrif buyurib, ikkita noutbuk, qattiq disk va smartfonni musodara qildi, bularning barchasi o’smirning xakerlik hujumiga aloqadorligini isbotladi (aniqrog’i, u o’z yutuqlarini WhatsApp orqali baham ko’rdi).

O’g’irlangan ma’lumotlarning mohiyati oshkor qilinmadi, ammo Apple Reuters agentligiga mijozlarining ma’lumotlariga ta’sir ko’rsatilmaganligini aytdi.