Pentagon AQSh Kiberqo‘mondonligiga xorijiy tarmoqlarni «titkilab ko‘rish»ga ruxsat berdi.

AQSh hukumati AQSh Kiberqo‘mondonligining vakolatlarini shov-shuvsiz kengaytirdi.

AQSh Mudofaa vazirligi mamlakatni kiberhujumlardan himoya qilishda yanada qat’iyroq choralar ko‘rishga ruxsat berib, AQSh Kiberqo‘mondonligining vakolatlarini shov-shuvsiz kengaytirdi. *New York Times* nashrining xabar berishicha, strategiyadagi ushbu o‘zgarish xakerlik guruhlariga homiylik qiluvchi xorijiy davlatlar bilan ziddiyat yuzaga kelish xavfini oshirishi mumkin. Yaqin vaqtgacha AQSh Kiberqo‘mondonligi asosan himoya pozitsiyasida bo‘lib, Amerika tarmoqlariga qilingan kiberhujumlarni qaytarish bilan cheklanib kelgan. Hujumkor amaliyotlar esa faqat favqulodda hollarda — masalan, IShID terrorchilik tashkilotiga qarshi kurashda — amalga oshirilgan.

Shu bahorda Pentagon AQSh Kiberqo‘mondonligi maqomini oshirib, unga AQShga qarshi qo‘llanilishi mumkin bo‘lgan kiberqurollarni aniqlash maqsadida boshqa mamlakatlar tarmoqlarini deyarli har kuni tekshirish vakolatini berganida vaziyat tubdan o‘zgardi.

«The New York Times» xabariga ko‘ra, strategiyadagi bu o‘zgarish hukumat muhokamasiga taqdim etilmagan. Donald Tramp ma’muriyati barcha ehtimoliy oqibatlarni qay darajada chuqur tahlil qilgani noma’lum. Strategiyadagi bunday o‘zgarish nafaqat raqiblar, balki ittifoqchilarning ham tarmoqlarini «titkilab chiqish»ni taqozo etadi.