Pentagon o’z askarlari uchun geolokatsiyadan foydalanishni chekladi.

Endi qo’mondonlarning o’zlari qo’mondonlik ostidagi qo’shinlar o’z qurilmalarida GPS funksiyasidan foydalana oladimi yoki yo’qligini aniqlaydilar.

Pentagonning yangi buyrug’iga ko’ra, yuqori xavfli va qimmatli obyektlarda, shuningdek, jangovar zonalarda xizmat qilayotgan harbiy xizmatchilarga o’zlarining joylashuvini aniqlashi mumkin bo’lgan fitnes-treker va mobil telefon ilovalaridan foydalanishga ruxsat berilmaydi. Departament tomonidan e’lon qilingan hujjatga ko’ra, shaxsiy yoki davlat qurilmalaridagi bunday ilovalar harbiy xizmatchilarni «sezilarli xavf»ga duchor qiladi va shuning uchun ayrim hududlarda taqiqlanishi kerak.

Memorandumga ko’ra, endi qo’mondonlar o’z qo’mondonligidagi qo’shinlar ma’lum bir hudud yoki bazadagi xavfsizlik tahdidiga asoslanib, qurilmalarda GPS funksiyasidan foydalanishi mumkinligini aniqlaydilar.

“Geolokatsiya shaxsiy maʼlumotlar, joylashuv maʼlumotlari, harakatlar va askarlar sonini taqdim etishi, shuningdek, kutilmagan xavfsizlik oqibatlarini keltirib chiqarishi va missiyaning muvaffaqiyatsiz yakunlanish xavfini oshirishi mumkin”, deyiladi memorandumda.

Eslatib o’tamiz, Amerikaning fitnes ilovasi ishlab chiqaruvchisi Strava ilgari butun dunyo bo’ylab razvedka postlari va harbiy bazalarning joylashuvi, shuningdek, ularning shaxsiy tarkibi haqidagi maxfiy ma’lumotlarni oshkor qilgan edi. Ma’lumotlar Strava foydalanuvchilarining faolligini aks ettiruvchi vizuallashtirilgan ma’lumotlar xaritasida chop etilgan.