Pentagon qurollari juda kompyuterlashtirilgan bo’lib qoldi.

Qurol tizimlarining kompyuterlashtirilishi AQSh Mudofaa vazirligini ularni kiberhujumlardan himoya qilishning murakkab vazifasiga duchor qildi.

Seshanba, 9-oktabr kuni AQSh hukumati hisobdorlik idorasi (GAO) Mudofaa vazirligi qurol tizimlarining kiberxavfsizlik holati bo’yicha o’zining birinchi hisobotini e’lon qildi. GAO mutaxassislari 2017-yil iyulidan 2018-yil oktyabrigacha qabul qilingan hukumat standartlariga muvofiq qurol tizimlarini auditdan o’tkazdilar. Hisobotga ko’ra, qurol tizimlarini kompyuterlashtirish Mudofaa vazirligi (DOD) ni ularni xakerlik hujumlaridan himoya qilishning murakkab vazifasiga duchor qildi. «Bugungi kunda qurol tizimlari avvalgidan ko’ra dasturiy ta’minot va tarmoqlarga ancha bog’liq. Avtomatlashtirish va aloqa DODning zamonaviy urush qobiliyatining asosidir. Biroq, ular qurol tizimlarini kiberhujumlarga nisbatan zaifroq qiladi», degan xulosaga kelishdi GAO mutaxassislari.

Har bir ma’lumot almashinuvi dushman uchun potentsial kirish nuqtasidir. Hatto internetga ulanmagan jismonan izolyatsiya qilingan tizimlar ham, masalan, USB disk yoki CD orqali kiberhujumlarga zaif bo’lishi mumkin. «Qurol tizimlari dushman tomonidan tizimlarga kirish uchun ishlatilishi mumkin bo’lgan turli xil interfeyslar (ularning ba’zilari juda noaniq) bilan jihozlangan», deyiladi hisobotda.

Qurol tizimlarining kiberxavfsizligini ta’minlash yaqinda Mudofaa vazirligi uchun ustuvor vazifaga aylandi. Agentlik ilgari asosan an’anaviy IT tizimlari va tarmoqlari xavfsizligiga e’tibor qaratgan bo’lsa, endi qurollarning kompyuterlashtirilishi tufayli qurol tizimlarining kiberxavfsizligiga ko’proq e’tibor qaratishni boshladi.

Kompyuterlashtirilgan qurol tizimlariga qilingan kiberhujumlar jiddiy oqibatlarga, jumladan, odamlarning o’limiga olib kelishi mumkin. Masalan, qurol tizimining dasturiy ta’minotini buzib kirish orqali dushman uni yoqib-o’chirishi, raketalarni nishonga olishi, kokpitdagi kislorod miqdorini o’zgartirishi, samolyotni boshqarishi va hokazolarni amalga oshirishi mumkin.