Roskomnadzor Google’ni javobgarlikka tortadi

Regulyator Google’ga qarshi ma’muriy ish qo‘zg‘atdi.

Dushanba, 26-noyabr kuni Markaziy Federal okrugi bo’yicha Roskomnadzor idorasi Google’ga qarshi ma’muriy ish qo‘zg‘atdi. Agentlik bu haqda o‘zining VKontakte sahifasida e’lon qildi. Ish texnologiya gigantining taqiqlangan internet-resurslar ro‘yxatini o‘z ichiga olgan Rossiya davlat axborot tizimiga ulanishdan bosh tortganidan keyin qo‘zg‘atildi. Amaldagi Rossiya qonunchiligiga ko‘ra, qidiruv tizimi operatorlari o‘zlarining qidiruv natijalaridan noqonuniy ma’lumotlarni o‘z ichiga olgan resurslarga havolalarni chiqarib tashlashlari shart va buning uchun ular maxsus tizimga ulanishlari kerak.

Roskomnadzor tomonidan ilgari aniqlanganidek, Google federal davlat axborot tizimiga ulana olmadi. Rossiya Federatsiyasi Ma’muriy huquqbuzarliklar kodeksining 13.40-moddasi 1-qismini buzganlik uchun bayonnoma tuzildi. Ushbu qoidabuzarlik uchun kompaniya 500 000 dan 700 000 rublgacha jarimaga tortilishi mumkin.

Ishning mohiyati bo’yicha sud majlisi kelasi oyda bo’lib o’tadi.