Roskomnadzor Rossiyada Telegram’ni bloklashga erishdi.

Roskomnadzor Rossiyada Telegram’ni bloklashga erishdi.

Xizmatga kirish FSBga foydalanuvchi xabarlarini shifrlash algoritmini taqdim etish majburiyati bajarilmaguncha cheklanadi.

Mediazona ma’lumotlariga ko’ra, Moskvaning Taganskiy tuman sudi Roskomnadzorning Rossiya Federatsiyasida Telegramni bloklash to’g’risidagi da’vosini qo’llab-quvvatladi. Xizmatga kirish FSBga foydalanuvchi xabarlarini shifrlash algoritmini taqdim etish majburiyati bajarilmaguncha cheklanadi.

Messenjer asoschisi Pavel Durovning ko’rsatmasi bilan Telegram vakillari yig’ilishda qatnashmadilar. Kompaniya vakili bo’lgan advokat Pavel Chikovning tushuntirishicha, qaror «bu ochiq-oydin farsni ularning ishtiroki bilan qonuniylashtirish» istagi yo’qligi bilan bog’liq.

Eslatib o’tamiz, Telegram ma’muriyatiga FSBga shifrlash kalitlarini topshirish uchun berilgan 15 kunlik muddat 4-aprelda tugagan. Xizmat vakillarining so’zlariga ko’ra, bu talab texnik sabablarga ko’ra bajarilmadi. Juma, 6-aprel kuni Roskomnadzor Moskvadagi Taganskiy tuman sudiga messenjerni Rossiyada blokirovka qilish uchun da’vo arizasi bilan murojaat qildi. Keyinchalik agentlik agar da’vo qo’llab-quvvatlansa, xizmatni Rossiyada darhol blokirovka qilishni talab qildi.