Roskomnadzor taqiqlangan kontentga havolalar bergani uchun Google’ga jarima soladi.

Kompaniya 500 000 dan 700 000 rublgacha jarimaga tortilishi mumkin.

Google taqiqlangan internet-resurslar ro’yxatini yurituvchi Rossiya Federal Davlat Axborot Tizimiga (FGIS) belgilangan muddatda ulana olmadi va endi jarimaga tortiladi. Bu haqda Roskomnadzorning press-relizida e’lon qilindi. Qidiruv tizimiga FGISga ulanish uchun 30 kun va yana uch ish kunidan so’ng Rossiyada taqiqlangan veb-saytlarga havolalarni chiqarib tashlash orqali qidiruv natijalarini filtrlashni boshlash uchun vaqt berildi. Roskomnadzorning tekshiruvi shuni ko’rsatdiki, Google talablarga rioya qilmagan va reyestrga ulanmagan.

Endi kompaniya 500 000 dan 700 000 rublgacha jarimaga tortilishi mumkin. Roskomnadzor ma’muriy jazo to’g’risida qaror qabul qilish muddatini belgilamadi.