Rossiya Davlat Dumasiga katta ma’lumotlarni tartibga solish to’g’risidagi qonun loyihasi kiritildi.

Hujjat katta hajmdagi foydalanuvchi ma’lumotlarini qayta ishlashni davlat tomonidan tartibga solishning o’ziga xos xususiyatlarini belgilaydi.

Seshanba, 23-oktabr kuni Rossiya Davlat Dumasiga katta ma’lumotlarni tartibga solish to’g’risidagi qonun loyihasi taqdim etildi. «Yagona Rossiya» deputati Mixail Romanov tomonidan taqdim etilgan hujjat katta foydalanuvchi ma’lumotlarini qayta ishlashni, xususan, ularni to’plash va uzatishni davlat tomonidan tartibga solishning o’ziga xos xususiyatlarini belgilaydi. Qonun loyihasida barcha ma’lumotlar huquqni muhofaza qilish organlari uchun ochiq bo’lishi kerakligi alohida belgilangan.

Qonun loyihasiga ko’ra, katta ma’lumotlar operatorlari foydalanuvchilarni o’z ma’lumotlari bilan bog’liq harakatlar haqida xabardor qilishlari shart. Shu maqsadda operatorlarning veb-saytlarida tegishli bildirishnomalar joylashtirilishi kerak. Agar ularning veb-sayti bo’lmasa, bildirishnoma boshqa mavjud vositalar orqali etkazilishi kerak.

Foydalanuvchilar operator tomonidan ma’lumotlarini qayta ishlash uchun elektron shaklda rozilik berishlari shart. Roskomnadzor katta ma’lumotlar operatorlari reestrini yuritadi.