Rossiya Germaniya hukumat tarmoqlarini buzib kirishda gumon qilinmoqda.

Rossiya Germaniya hukumat tarmoqlarini buzib kirishda gumon qilinmoqda.

Germaniya rasmiylari Rossiyaning kiberhujumga aloqadorligi haqida ishonchli dalillarga ega emaslar.

Germaniya Konstitutsiyani himoya qilish federal idorasi rahbari Xans-Georg Maaßen Rossiya rasmiylarining Germaniya hukumati kompyuter tarmoqlariga qilingan kiberhujumlarga aloqadorligi «yuqori ehtimol» borligini ta’kidladi.

Maassen jurnalistlarga 2017-yil dekabr oyida kiberhujum aniqlangandan so’ng, Germaniya rasmiylari voqeani batafsil tekshirganini aytdi. Hujumchilar hech qanday zarar yetkaza olmadilar, deb qo’shimcha qildi u.

Departament boshlig’ining so’zlariga ko’ra, bu hujumlarni 2015-yil may oyida Germaniya parlamentining quyi palatasiga qilingan kiberhujumlar ortida turgan rusiyzabon xakerlar guruhi APT28 bilan bog’laydigan hech qanday dalil yo’q.

«Biz buni Rossiyadan kelib chiqqan kiberhujum deb hisoblaymiz […] Jinoyatchi Moskvada ekanligini va bu hukumat tashkiloti ekanligini 100% aniqlik bilan aytishning iloji yo’q […], ammo biz bu ehtimol yuqori deb ayta olamiz», deb ta’kidladi Maassen.

Uning so’zlariga ko’ra, biror mamlakatni qasddan obro’sizlantirishga qaratilgan «soxta bayroq» deb nomlangan operatsiyani to’liq inkor etib bo’lmaydi. Germaniya Federal prokuraturasi ham ushbu hodisani josuslik bilan bog’liq bo’lishi mumkin bo’lgan holat sifatida tergov qilmoqda.

Rossiya hukumati kiberhujumlarga aloqadorlik haqidagi barcha ayblovlarni bir necha bor rad etgan.