Rossiya ma’lumotlar va to’lov tizimlarini himoya qilish bo’yicha o’z xizmatlariga ega bo’ladi.
2024-yilga kelib axborot xavfsizligiga 30 milliard rubldan ortiq mablagʻ ajratish rejalashtirilgan.
Rossiyada axborot xavfsizligiga alohida e’tibor qaratiladi. Xususan, shaxsiy ma’lumotlar va to’lov tizimlarini himoya qilish bo’yicha mahalliy xizmatlarni yaratish choralari ko’riladi. Bu haqda Rossiya Bosh vaziri Dmitriy Medvedev seshanba, 25-dekabr kuni raqamli rivojlanish bo’yicha hukumat komissiyasining yig’ilishida ma’lum qildi. Bosh vazirning so’zlariga ko’ra, «Raqamli iqtisodiyot» dasturi doirasidagi to’rtinchi loyiha axborot xavfsizligiga bag’ishlangan. Loyihaga ko’ra, 2024-yilga kelib axborot xavfsizligi uchun 30 milliard rubldan ortiq mablag’ ajratilishi rejalashtirilgan, shundan 18 milliardi federal byudjetdan keladi.
«Bu yerda Rossiya dasturiy ta’minoti muhim rol o’ynaydi. Biz shaxsiy ma’lumotlar va to’lov tizimlarini himoya qilishni kafolatlay oladigan o’z xizmatlarimizni ishlab chiqish uchun choralar ko’ramiz», dedi Medvedev.
Bosh vazir axborot xavfsizligining muhimligi va dolzarbligini ta’kidladi. Medvedev kiberjinoyatchilik va kiberurush hozirgi paytda jiddiy tahdid solayotganini va shuning uchun ham oddiy fuqarolarni, ham davlat idoralarini, biznesni va muhim infratuzilmani himoya qilish uchun barcha choralarni ko’rish zarurligini ta’kidladi.
