Rossiya Markaziy banki banklarga o‘z mijozlarining qurilmalarini tekshirishni majburiy qilib belgiladi.

Pul yuvishga qarshi kurashish maqsadida banklar qurilmalarga identifikatorlar tayinlaydi.

Rossiya Markaziy banki jinoiy yo‘l bilan topilgan pullarni legallashtirishga (pul yuvishga) qarshi kurashishning yangi usulini ishlab chiqdi. Regulyator moliya muassasalaridan mijozlar pul o‘tkazmalari uchun foydalanadigan mobil qurilmalarga maxsus identifikatorlar biriktirishni va ushbu qurilmalar sozlamalarini tekshirishni talab qildi. «Absolut Bank»ning IT va texnologiyalar bo‘yicha boshqaruvchi direktori Natalya Pozdeyeva «Vedomosti» nashri muxbirlariga tushuntirishicha, agar turli foydalanuvchilar bir xil identifikatorga ega bo‘lsa, ular yuqori xavf guruhidagi mijozlar sifatida tasniflanadi. VTB banki vakillarining ta’kidlashicha, ko‘plab kredit tashkilotlari mijozlar faoliyatini tahlil qilishda allaqachon IT-ma’lumotlardan foydalanib kelmoqda va Markaziy bankning yangi ko‘rsatmasi ushbu amaliyotni rasmiylashtiradi xolos. Garchi aksariyat banklar mijozlarning mobil qurilmalari IP-manzillarini qayd etib borishsa-da, regulyator talablariga javob berish tizimda ayrim o‘zgarishlar qilishni taqozo etadi. Endilikda moliya muassasalari ayrim mijozlardan ma’lumotlarni tez-tez so‘rab turishga va mijozlar profillarini yangilab borishga majbur bo‘ladilar.

Yangi yo‘riqnoma bankning halol mijozlariga hech qanday ta’sir ko‘rsatmaydi, chunki uning asosiy maqsadi noqonuniy moliyaviy operatsiyalarni aniqlashdan iborat.