Rossiya raqamli pasportni joriy qilishi mumkin.

Rossiya rasmiylari qog’oz pasportlar va haydovchilik guvohnomalarini almashtirishi mumkin bo’lgan mobil ilova yaratishni o’rganmoqda.

Hukumat fuqarolarning pasport ma’lumotlarini o’z ichiga olgan maxsus mobil ilova yaratishni ko’rib chiqmoqda. Rossiya Bosh vaziri o’rinbosari Maksim Akimov bu haqda «Rossiya chaqirmoqda!» forumida ma’lum qildi. Uning qo’shimcha qilishicha, hozirda shaxsni tasdiqlovchi yangi shakl – raqamli pasportni ishlab chiqish masalasi ko’rib chiqilmoqda.

«Biz buni cho’ntagingizda olib yurish uchun umuman statsionar yechim kerakmi yoki yo’qligini muhokama qilmoqdamiz. Chunki mobillik va ulanish dunyoni juda tez o’zgartirmoqda va menimcha, bizga bir nechta shakl omillari kerak bo’ladi. Hech bo’lmaganda xavfsiz, ishonchli, ammo shunga qaramay hujjat taqdim etishning zamonaviy shakllarini o’z ichiga olgan mobil ilova», – deya Akimov so’zlarini keltiradi TASS.

Bosh vazir o’rinbosari aniqlik kiritganidek, masala yuridik ahamiyatga ega bitimlarni amalga oshirish uchun hujjatlarni taqdim etish bilan bog’liq.

Uning so’zlariga ko’ra, raqamli pasportlar bilan ishlaydigan yangi «Mir» davlat axborot tizimining dizayn loyihasi 2019 yilning birinchi yarmida tayyorlanadi.