Rossiya xorijiy elektron hamyonlar ustidan nazoratni kuchaytiradi.

Davlat Dumasiga taqdim etilgan qonun loyihasida Rossiya Federatsiyasida xorijiy to’lov xizmatlari faoliyatini tartibga soluvchi qoidalar bayon etilgan.

Rossiya Markaziy bankda ro’yxatdan o’tgan to’lov tizimi operatori bo’lmagan holda Rossiya fuqarolari o’rtasida pul o’tkazmalarini amalga oshirishni taqiqlashi mumkin. Tegishli qonun loyihasi Davlat Dumasiga «Yagona Rossiya» va «Adolatli Rossiya» partiyalari deputatlari tomonidan taqdim etildi. Hujjat Rossiyada xorijiy elektron hamyonlar va to’lov xizmatlari faoliyatini tartibga solish uchun ishlab chiqilgan. Qonun loyihasiga ko’ra, xizmatlar Rossiyada faoliyat yuritishdan oldin Markaziy bankni xabardor qilishi shart bo’ladi. Shuningdek, ular o’zlarining ishlash qoidalarini regulyator bilan kelishib olishlari shart bo’ladi.

Boshqa narsalar qatorida, qonun loyihasida xorijiy xizmatlar va elektron hamyonlar uchun yuridik shaxsni ro’yxatdan o’tkazish jarayonini murakkablashtirish taklif qilingan. Ro’yxatdan o’tmasdan, kompaniyalar o’z xizmatlarini faqat Rossiya fuqarosi bo’lmaganlarga ko’rsatishlari mumkin bo’ladi. Agar qabul qilinsa, qonun elektron hamyonlar va Alipay, WeChat Pay, MoneyGram va Intel Express kabi to’lov xizmatlariga ta’sir qiladi.

Deputatlar shuningdek, mobil toʻlov ilovalarini tartibga soluvchi ikkinchi qonun loyihasini taqdim etdilar. Hujjatda moliya institutlaridan bunday ilovalardan (masalan, Apple Pay, Samsung Pay yoki MirPay) foydalanishdan oldin Markaziy bankni xabardor qilish talab etiladi va ularga foydalanuvchilarning imzo namunalari, kodlar va parollar kabi shaxsiy maʼlumotlariga kirish taqiqlanadi.