Rossiyada ijtimoiy tarmoqlar shaxsiy profillardan olingan ma’lumotlar uchun javobgarlikni o’z zimmasiga olishi mumkin.

Qonunning tegishli konsepsiyasi «Raqamli iqtisodiyot» notijorat tashkiloti tomonidan ishlab chiqilgan.

Rossiya ijtimoiy tarmoqlarda foydalanuvchilar tomonidan nashr etilgan ma’lumotlarni qayta ishlashni tartibga soluvchi yangi qonunni qabul qilishi mumkin. Xususan, qonun ijtimoiy tarmoqlarni shaxsiy profillardan olingan ma’lumotlar xavfsizligi uchun javobgar qiladi. «Kommersant» nashrining yozishicha, tegishli qonun konsepsiyasi Skolkovo jamg’armasiga rahbarlik qiluvchi «Raqamli iqtisodiyot» avtonom notijorat tashkilotining vakolat markazi tomonidan ishlab chiqilgan. Ishlab chiquvchilar xizmatlardan akkauntlarni ro’yxatdan o’tkazishda foydalanuvchilarga ijtimoiy tarmoq turi haqida ma’lumot berishni talab qilishni taklif qilmoqdalar. Bu shuni anglatadiki, agar tarmoq ochiq bo’lsa, foydalanuvchilar ular nashr etgan ma’lumotlar ommaga ochiq bo’lishini tushunishlari kerak. Agar xizmat shaxsiy akkauntlar yaratishga ruxsat bersa, u ularda nashr etilgan kontent xavfsizligi uchun javobgarlikni o’z zimmasiga olishi kerak.

Qonun loyihasi shu oy oxiriga qadar yakunlanadi. Keyin u Raqamli iqtisodiyot ishchi guruhi tomonidan ko’rib chiqiladi, shundan so’ng hujjat tasdiqlash uchun federal hukumat idoralariga taqdim etiladi.

«Rostelekom» allaqachon tuzatishlarni o’rganmoqda va ularning muhokamasida ishtirok etish niyatida. Bosh vazir o’rinbosari Maksim Akimovning matbuot kotibi Aliya Samigullinaning so’zlariga ko’ra, Akimov konsepsiyadan xabardor, ammo qonun loyihasi ustuvor vazifa emas.