«Rossiyalik xaker» Nikulin psixiatrik tekshiruvga yuborildi

Bu qaror sudning tavsiyasi bilan qabul qilindi.

RIA Novosti xabar berishicha, ilgari Chexiya Respublikasidan AQShga ekstraditsiya qilingan «rus xakeri» Yevgeniy Nikulin sud ko’rsatmasi bilan psixiatrik tekshiruvdan o’tadi. «Bu mening tashabbusim emas edi. Sudya bu tavsiyani berdi. Biz uni bajardik», deb tushuntirdi Nikulinning advokati Arkadiy Bux.

Bu masalada faqat bunday tekshiruvlarni o’tkazishga vakolatli shifokorlarga ishonish mumkin, deb qo’shimcha qildi u.

Eslatib o’tamiz, 30 yoshli Nikulin LinkedIn, Dropbox va Formspring akkauntlarini buzib kirishda va 100 milliondan ortiq foydalanuvchining ma’lumotlarini o’g’irlashda ayblanmoqda. U 2016-yil oktyabr oyida Chexiyada hibsga olingan va keyinchalik Qo’shma Shtatlarga ekstraditsiya qilingan.

Rossiyalik o’ziga qo’yilgan ayblovlar bo’yicha o’zini aybsiz deb topdi. Nikulinning advokatlaridan biri Valeriya Nechayning so’zlariga ko’ra, o’zini himoya qilish, hibsga olish yoki ruhiy salomatligi haqida gapirishdan bosh tortmoqda. 2018-yil aprel oyida qochishga urinishdan so’ng, Nikulin yakka kameraga joylashtirildi.

Nikulinning sud jarayoni 2019-yil 28-yanvarga belgilangan. Nechay va Nikulinning boshqa himoyachilari aybni tan olish shartnomasini ham o’z ichiga olgan barcha variantlarni o’rganishda davom etayotganliklarini aytishmoqda.