«Rossiyalik xaker» Vinnikka qarshi yangi jinoiy ish qo’zg’atildi.

Shu munosabat bilan Rossiya Federatsiyasi Vinnikni o’z vataniga ekstraditsiya qilish uchun Gretsiyaga yangi so’rov yubordi.

Rossiya AQSh rasmiylari tomonidan BTC-E kriptovalyuta birjasida 4 milliard dollardan ortiq pul yuvishda gumon qilinayotgan Rossiya fuqarosi Aleksandr Vinnikga qarshi kompyuter firibgarligi bo’yicha yangi jinoiy ish qo’zg’atdi. RIA Novosti axborot agentligining xabar berishicha, shu munosabat bilan Rossiya Gretsiyaga Vinnikni o’z mamlakatiga ekstraditsiya qilish bo’yicha yangi so’rov yubordi. 2018-yil mart va aprel oylarida Vinnik, shu jumladan o’z vakili orqali, Rossiya Bosh prokuraturasiga xakerlik hujumlari va yirik miqdordagi pul yuvishni tan olgan holda o’zini ayblovchi iqrornoma taqdim etdi. Xususan, ayblovlar «2011-yildan 2017-yilgacha bo’lgan firibgarlik faoliyati natijasida noma’lum Rossiya fuqarolari guruhi 750 million rubl miqdorida moddiy zarar ko’rgan» degan edi. Vinnik shuningdek, BTC-E kriptovalyuta birjasi orqali firibgarlik faoliyatini amalga oshirganini tan oldi.

Aleksandr Vinnik 2017-yil iyul oyida Gretsiyada hibsga olingan. O’sha yilning oktyabr oyida Saloniki sudi uni AQShga ekstraditsiya qilishni buyurdi. 2018-yil iyun oyida «rus xakeri» Rossiya sudi tomonidan sirtdan hibsga olingan. Rossiyada u 600 000 rubldan ortiq firibgarlikda ayblanmoqda.