Shimoliy Koreya WannaCry hujumlari haqidagi ayblovlarga javob qaytardi

Mamlakat rasmiylari Park Jin Hyuk kabi shaxs yo’qligini ta’kidladilar.

Shimoliy Koreya hukumati AQShning 2017-yilda Sony Pictures Entertainment serverlariga kiberhujumlarni va 2017-yil may oyida WannaCry ransomware kampaniyasini uyushtirganligi haqidagi ayblovlarini rad etdi. O’z navbatida, mamlakat rasmiylari AQShni tuhmatda aybladi va AQSh hukumati hujumlarga aloqadorlikda ayblayotgan Pak Jin Xyuk kabi shaxs yo’qligini ta’kidladi.

«AQSh Adliya vazirligi Amerika kinokompaniyasi Sony Pictures Entertainmentga qilingan xakerlik hujumiga aloqadorlikda ayblayotgan Pak Jin Xyuk kabi shaxs yo’q. Bundan tashqari, bizning Adliya vazirligi tomonidan tilga olingan kiberjinoyatlarga aloqamiz yo’q», deb xabar berdi Yonhap axborot agentligi Shimoliy Koreya Tashqi ishlar vazirligi vakilining so’zlaridan iqtibos keltirdi.

Avvalroq AQSh rasmiylari Shimoliy Koreya fuqarosi Pak Jin Xyukni Sony Pictures’ga qilingan hujumlar va WannaCry ransomware kampaniyasida ishtirok etganlikda ayblagan edi. Adliya vazirligi gumonlanuvchi Shimoliy Koreya razvedkasi xodimi va Lazarus kiberjinoyatchilik guruhi a’zosi deb hisoblaydi.