Singapur kibertahdidlardan himoya qilish uchun global konventsiya ishlab chiqishni taklif qildi.

Respublika tashqi ishlar vaziri mamlakatlarning bu sohadagi harakatlarini tartibga soluvchi umumiy hujjat yaratish zarurligini ta’kidladi.

Singapur tashqi ishlar vaziri Vivian Balakrishnan Sharqiy Osiyo sammiti vazirlar uchrashuvidan keyingi matbuot anjumanida kiberxavfsizlik boʻyicha global konventsiya yaratish zarurati haqida gapirdi, deb xabar beradi TASS axborot agentligi. Vazirning soʻzlariga koʻra, ushbu hujjat mamlakatlarning kibertahdidlardan himoyalanish boʻyicha harakatlarini tartibga soladi.

“Biz BMT shafeligida faoliyat yurituvchi konventsiyalarga oʻxshash, raqamli xavfsizlikni taʼminlash borasida barcha mamlakatlarning harakatlarini tartibga soluvchi global hujjatni ishlab chiqish va qabul qilishni istaymiz […] Dunyo raqamli inqilobni boshdan kechirayotgani sababli, biz umumiy mexanizm yaratmoqchimiz”, dedi u.

Balakrishnan shuningdek, Singapur ushbu sohada alohida davlatlar bilan eksklyuziv shartnomalar imzolashdan manfaatdor emasligini ta’kidladi.

Eslatib o’tamiz, xakerlar ilgari Singapurning eng yirik sog’liqni saqlash guruhi SingHealth kompyuterlariga hujum qilishgan edi. Hujumchilar mamlakat bosh vazirini ham qo’shib hisoblaganda 1,5 million kishining shaxsiy ma’lumotlarini o’g’irlashga muvaffaq bo’lishgan.