Singapur mamlakat tarixidagi eng yirik kiberhujumga uchradi.

Hujumchilar mamlakat bosh vazirini ham qo’shib hisoblaganda 1,5 million kishining shaxsiy ma’lumotlarini o’g’irlashga muvaffaq bo’lishdi.

Singapurda xakerlar mamlakatning eng yirik sog’liqni saqlash guruhi bo’lgan SingHealth kompyuterlariga hujum qilishdi. Sog’liqni saqlash vazirligining press-reliziga ko’ra, hujumchilar 1,5 million kishining, jumladan, bir nechta yuqori lavozimli amaldorlarning shaxsiy ma’lumotlarini o’g’irlashgan.

Hujum paytida xakerlar Bosh vazir Li Syan Lun va boshqa hukumat amaldorlari kabi 160 ming kishining ambulatoriya retseptlarini o’g’irlashgan. Singapur rasmiylarining fikriga ko’ra, kiberjinoyatchilarning asosiy maqsadi Parlament spikerining shaxsiy ma’lumotlarini o’g’irlash bo’lgan.

Hujumchilar 2015-yil 1-maydan 2018-yil 4-iyulgacha SingHealth tibbiyot muassasalariga tashrif buyurgan bemorlarning ma’lumotlarini o’g’irlashgan. Xususan, xakerlar ismlar, identifikatsiya raqamlari, manzillar va tug’ilgan sanalarni qo’lga kiritishgan.

Singapur hukumati rasmiylari hujum puxta rejalashtirilgan operatsiya bo’lganiga ishonishadi.

“Maʼlumotlar tizimlarimizga kirishga uringanlar nihoyatda malakali va qatʼiyatli. Ular ulkan resurslarga ega va hech narsadan toʻxtamaydilar”, deb taʼkidladi mamlakat bosh vaziri oʻzining Facebook sahifasida.