Tailandda bankomatlardan pul o‘g‘irlagan ukrainalik gumonlanuvchi qo‘lga olindi.

Gumonlanuvchi bank kartasi maʼlumotlarini o‘g‘irlashga mo‘ljallangan maxsus uskunalar yordamida 600 000 dollar o‘g‘irlashda ayblanmoqda.

Tailand politsiyasi bank kartasi maʼlumotlarini o‘g‘irlashga mo‘ljallangan maxsus uskunalar yordamida bankomatlardan 600 000 dollar o‘g‘irlaganlikda gumon qilingan Ukraina fuqarosini qo‘lga oldi. Bu haqda RIA Novosti axborot agentligi xabar berdi. Huquq-tartibot idoralari vakillarining maʼlum qilishicha, gumonlanuvchi jinoiy guruh aʼzosi bo‘lgan. Jinoyatchilar uzoq vaqt davomida bank kartalaridagi maʼlumotlarni qo‘lga kiritish uchun skimmerlardan foydalanganlar. Tergovchilarning fikricha, o‘g‘irlangan mablag‘lar Tailandning Pxuket orolida hashamatli ko‘chmas mulk sotib olish uchun ishlatilgan.

Gumonlanuvchining yashash joyini tintuv qilish jarayonida huquqni muhofaza qilish organlari xodimlari 50 dan ortiq soxta bank kartasi, shuningdek, bankomatlardan maʼlumotlarni oʻgʻirlash (skimming) uchun moʻljallangan uskunalarni aniqladilar.