watchOS 5.1 yangilanishi Apple Watch’ning ishdan chiqishiga sabab bo‘ldi

Yangilanish o’rnatilgandan so’ng, aqlli soat ishlamay qoladi.

Joriy yilning 30-oktabr kuni Apple Apple Watch uchun watchOS 5.1 operatsion tizimi yangilanishini chiqara boshladi. Yangi dasturiy ta’minot chiqarilgandan so’ng tez-tez sodir bo’ladiganidek, ba’zi aqlli soat egalari yangilanishni o’rnatgandan so’ng qurilmalari ishlamay qolishi bilan bog’liq muammoga duch kelishdi. Reddit va Twitterdagi bir nechta foydalanuvchilarning so’zlariga ko’ra, soat shunchaki qotib qoldi va Apple logotipini ko’rsatdi. Soatni qayta ishga tushirish va uni iPhone bilan qayta ulash muammoni hal qilmadi. Hozirda ta’sirlangan foydalanuvchilar soni haqida ma’lumot yo’q.

Ishlab chiqaruvchi yangilanish tarqatilishini allaqachon to’xtatib qo’ygan. WatchOS 5.1 ni yuklab olgan, ammo o’rnatmagan foydalanuvchilarga yangilanishni o’rnatmaslik tavsiya etiladi.