XAKERLAR DRUPALGEDDON 2 UCHUN ROS-EXPLOIT dan foydalanib zararli dasturlarni tarqatishdi

XAKERLAR DRUPALGEDDON 2 UCHUN ROS-EXPLOIT dan foydalanib zararli dasturlarni tarqatishdi

GitHub’da Proof-of-Conception ekspluatatsiyasi e’lon qilinganidan so‘ng, zaif veb-saytlarga hujumlar boshlandi.

Uzsoft avvalroq xabar berganidek, o‘tgan hafta GitHub’da so‘nggi o‘n yil ichida kontentni boshqarish tizimining barcha versiyalariga ta’sir ko‘rsatgan Drupal’dagi muhim zaiflik uchun Proof-of-Conception ekspluatatsiyasi e’lon qilindi. Drupalgeddon 2 deb nomlangan zaiflik (CVE-2018-7600) masofadan kodni bajarish va tizimni boshqarish imkonini beradi.

Bir nechta manbalarga ko’ra, joriy yilning 12-aprelidan beri tajovuzkorlar Drupalgeddon 2 dan zaif serverlarga orqa eshiklar va kriptovalyuta maynerlarini o’rnatish uchun faol ravishda foydalanmoqdalar. Zaif saytlarni skanerlash PoC ekspluatatsiyasi e’lon qilinganidan bir necha soat o’tgach boshlandi.

Sucuri kompaniyasining katta texnik direktori Daniel Cid Bleeping Computer nashriga bergan intervyusida aytganidek, bir muncha vaqt davomida uning kompaniyasi aniqlagan hujumlar asosan PoC ekspluatatsiyasining funksionalligini tekshirish uchun amalga oshirilgan sinov hujumlari bo’lgan. Biroq, o’tgan dam olish kunlari hamma narsa o’zgardi va hujumchilar zaif veb-saytlarni zararli dasturlar bilan yuqtirish uchun PoC ekspluatatsiyasidan foydalana boshladilar.

Volexity ma’lumotlariga ko’ra, kiberjinoyatchilar zaif veb-saytlarga kriptovalyuta qazib olish dasturlarini o’rnatmoqdalar. GreyNoise tadqiqotchilari PoC ekspluatatsiyasi PHP orqa eshiklarini tarqatish uchun ham qo’llanilayotganini xabar qilishdi. SANS ISCning so’nggi xabarlariga ko’ra, xakerlar veb-saytlarni maynerlar, orqa eshiklar va hatto Perl botlari bilan yuqtirishmoqda.

Ko’rinishidan, ekspluatatsiya nashr etilganidan keyingi dastlabki kunlarda xakerlar haqiqiy operatsiyalarga o’tishdan oldin uning imkoniyatlarini shunchaki sinab ko’rishgan. Biroq, hujumlar soni nisbatan kichikligicha qolmoqda, garchi u asta-sekin o’sib bormoqda.

Imperva ma’lumotlariga ko’ra, Drupalgeddon 2 ni ekspluatatsiya qilish urinishlarining 90% shunchaki muvaffaqiyatsiz skanerlashdir. Faqat 3% orqa eshikni o’rnatishga urinishlar bilan, 2% esa kriptovalyuta maynerini o’rnatishga urinishlar bilan bog’liq.

Qihoo 360 Netlab ma’lumotlariga ko’ra, uchta Tsunami botneti zaiflikdan faol ravishda foydalanishni boshladi. Botnetlar tomonidan ekspluatatsiyadan foydalanish uning uyushgan kiberjinoyatchilar guruhlari tomonidan qo’llanilganligini va ular faqat sinov bilan cheklanmasligini ko’rsatadi.