Xakerlar Gentoo Linux GitHub sahifasiga zararli kodni kiritishdi.

Hujumchilar portage va musl-dev shoxlarini tizimdagi barcha fayllarni o’chirish uchun mo’ljallangan zararli ebuilds bilan almashtirdilar.

Gentoo Linux distributivini ishlab chiquvchilar foydalanuvchilarni loyihaning GitHub akkauntlaridan birining buzilishi haqida ogohlantirdilar. Hujumchilar omborxonalar tarkibini o’zgartirishga va tizimdagi barcha fayllarni o’chirib tashlaydigan zararli kodni kiritishga muvaffaq bo’lishdi. «28-iyun kuni taxminan soat 20:20 da noma’lum shaxslar Gentoo loyihasining GitHub akkaunti ustidan nazoratni qo’lga kiritishdi va omborxonalar tarkibini o’zgartirishdi. Biz hali ham zarar darajasini aniqlash va omborxonalar ustidan nazoratni qaytarib olish ustida ishlamoqdamiz. GitHubda joylashtirilgan barcha Gentoo kodlari hozirda buzilgan deb hisoblanishi kerak», dedi Gentoo o’z bayonotida.

Ishlab chiquvchilarning so’zlariga ko’ra, tajovuzkorlar portage va musl-dev filiallarini tizimdagi barcha fayllarni o’chirish uchun mo’ljallangan zararli ebuilds bilan almashtirdilar.

Ebuilds – bu Gentoo Linux tomonidan Portage dasturiy ta’minotini boshqarish tizimi uchun ishlatiladigan bash skriptlari.

«Asosiy Gentoo ebuild ombori bizning infratuzilmamizda joylashganligi va Github shunchaki uning oynasi bo’lgani uchun, agar siz gentoo.org saytidan rsync yoki websync dan foydalansangiz, bu yaxshi bo’ladi», deb ta’kidladilar ishlab chiquvchilar.