XAKERLAR VEVO YOUTUBE AKKUNTINI BUZIB OLDILAR

XAKERLAR VEVO YOUTUBE AKKUNTINI BUZIB OLDILAR

Mashhur «Despacito» musiqiy videosining muqovasi qurol ushlagan niqobli odamlar guruhining surati bilan almashtirildi.

Xakerlar Vevoning YouTube akkauntini buzib kirishdi. Hujumchilar ko’plab musiqiy videolarning, jumladan, YouTube’da 5 milliarddan ortiq ko’rishga ega bo’lgan «Despacito» videosining nomlari va muqovalarini o’zgartirdilar.

«Despacito» klipining muqova rasmi niqob taqib, qurol ushlagan bir guruh odamlar tasvirlangan rasm bilan almashtirildi. Bundan tashqari, Shakira, Selena Gomes, Dreyk va Teylor Svift kabi o’ndan ortiq boshqa san’atkorlarning videolari o’zgartirildi. Muammo hal bo’lguncha akkaunt vaqtincha o’chirib qo’yildi.

Xakerlar oʻzlarini Prosox va Kuroi’sh deb tanishtirishdi. Ular shuningdek, baʼzi video sarlavhalarini oʻzlarining taxalluslari va “Falastinni ozod qilish”ga chaqiriq kabi oʻz xabarlari bilan almashtirishga muvaffaq boʻlishdi.

«Bir nechta Vevo kanallarida g’ayrioddiy faollikni payqaganimizdan so’ng, biz darhol hamkorimiz bilan vaziyat aniqlanmaguncha videolarga kirishni o’chirib qo’yish bo’yicha ish boshladik», dedi YouTube vakili.

«Biz barcha ta’sirlangan videolarni tiklash ustida ishlamoqdamiz va katalogimiz to’liq ishga tushadi. Biz hodisani tekshirishda davom etmoqdamiz», deb qo’shimcha qildi Vevo vakillari.

Xakerlarning Twitter akkauntlaridan biri quyidagi xabarni joylashtirdi: «Bularning barchasi shunchaki o’yin-kulgi uchun. Men shunchaki youtube-change-title-video skriptidan foydalandim. Meni juda qattiq hukm qilmang, men YouTubeni yaxshi ko’raman.»

Xavfsizlik bo’yicha mutaxassislarning ta’kidlashicha, hisobot aniq bo’lmasligi mumkin.

«Video kontentni yuklash va tahrirlash uchun avtorizatsiya tokeni kerak. Yoki bu xakerlar avtorizatsiyani chetlab o’tish yo’lini topdilar, yoki ular faktlarni buzib ko’rsatmoqdalar, yoki ular boshqa yo’llar bilan ruxsatnomalarni olishgan», deb ta’kidladi mutaxassislar.