Xatolik tufayli Windows Windows 10 Pro-ni o’chiradi va litsenziyani Home versiyasiga tushiradi.

Microsoft’ning Windows faollashtirish xizmatidagi xatolik tufayli, Windows 10 Pro litsenziyasiga ega ko‘plab tizimlar to‘satdan o‘chirib qo‘yildi.

Payshanba, 8-noyabr kuni Windows 10 Pro ning faol, litsenziyalangan nusxalarini ishlatadigan ba’zi Windows kompyuter egalari «Sizning qurilmangizda Windows ni faollashtira olmaymiz, chunki sizda amal qiluvchi litsenziya yoki mahsulot kaliti yo’q» kabi g’alati bildirishnomalarni olishni boshladilar. Muammoni hal qilishga urinayotganda, xabar paydo bo’ldi: «Siz Windows 10 Pro dan faqat Windows 10 Home litsenziyasiga ega kompyuterda foydalanmoqchisiz. Litsenziyangizni faollashtirish uchun Home versiyasiga yangilang.»

Muammo Insider versiyalariga ham, keng ommaga taqdim etilgan versiyalarga ham (shu jumladan, Windows 10 2018-yil oktyabr oyidagi yangilanish/1809 ning ba’zi foydalanuvchilariga) ta’sir ko’rsatdi. Bundan tashqari, ba’zi foydalanuvchilar Windows Server 2016 litsenziyalash bilan bog’liq muammolar haqida xabar berishdi.

Microsoft texnik yordamiga murojaat qilganda, zarar ko’rganlarga xato qilib litsenziyalarni qayta sotib olish yoki mahsulot kalitini olish tavsiya qilingan. Ko’pgina foydalanuvchilar haqiqatan ham litsenziyalarni qayta sotib olishgan. Ba’zi zarar ko’rgan foydalanuvchilar bildirishnomadagi ko’rsatmalarga amal qilishgan va Windows 10 Home ga o’tishgan.

8-noyabr kuni kechqurun Microsoft vakillari kompaniya muhandislari muammoni hal qilganliklarini va zarar ko’rgan foydalanuvchilarning holati keyingi 24 soat ichida tuzatilishini ma’lum qilishdi. Ungacha ular odatdagidek Windows 10 Pro dan foydalanishlari mumkin.