Xitoy kiberxavfsizlik bo’yicha mutaxassislariga xakerlik musobaqalarida ishtirok etishni taqiqladi.

Xitoy kiberxavfsizlik bo’yicha mutaxassislariga xakerlik musobaqalarida ishtirok etishni taqiqladi.

Xitoy jamoalari har doim oq shlyapali xakerlik musobaqalarida eng kuchlilar qatorida bo’lgan, ammo endi ular sahnadan g’oyib bo’lishdi.

So’nggi yillarda xitoylik kiberxavfsizlik mutaxassislari barcha xakerlik musobaqalarida ustunlik qilishdi, ammo endi bu o’z nihoyasiga yetdi. China Morning Post gazetasining Pekinda joylashgan kiberxavfsizlik kompaniyasi Beijing Chaitin Technology ga tayanib xabar berishicha, Xitoy hukumati milliy xavfsizlik nuqtai nazaridan mahalliy kiberxavfsizlik mutaxassislariga xalqaro musobaqalarda ishtirok etishni taqiqladi.

Beijing Chaitin Technology ma’lumotlariga ko’ra, rasmiylar o’tgan yil oxirida ularga bunday musobaqalarda ishtirok etishni taqiqlagan edi. Endi kompaniyaning asosiy ustuvor yo’nalishlari mahsulotlarini takomillashtirish va «Xitoyda kibermakon xavfsizligini ta’minlash» bo’ladi.

Kiberhujumlar uzoq vaqtdan beri AQSh va Xitoy o’rtasidagi munosabatlarda to’siq bo’lib kelgan. Apple va Microsoft kabi kompaniyalarga mahsulotlari xavfsizligini yaxshilashga yordam beradigan oq shlyapa xakerlik musobaqalaridan chiqish qarori ikki mamlakat o’rtasidagi keskinlikning kuchayib borayotgan bir paytda qabul qilindi.

Ba’zi xabarlarga ko’ra, AQSh prezidenti Donald Tramp Xitoy telekommunikatsiya uskunalariga import soliqlarini o’zgartirishni ko’rib chiqmoqda. Bundan tashqari, bu yil AQSh hukumati Huawei va AT&T o’rtasidagi kelishuvni blokladi, bu kelishuvga ko’ra xitoylik ishlab chiqaruvchidan smartfonlarni Amerika telekommunikatsiya kompaniyasi orqali sotish mumkin edi.

“Baʼzi xitoylik xakerlar dunyodagi eng yaxshilar qatorida va bu [Xitoy hukumatining qarori – tahr.] musobaqani unchalik qiziqarli qilmaydi. Isteʼdodlarni uyda saqlash orqali Xitoy kiberhujumlarda kuchliroq boʻladi”, dedi Strategik va xalqaro tadqiqotlar markazi katta vitse-prezidenti Jeyms Endryu Lyuis.

O’tgan yili Qihoo 360, Tencent va Beijing Chaitin Technology mutaxassislaridan iborat Xitoy jamoasi Vankuverdagi Pwn2Own musobaqasida aniq favorit bo’lgan edi. Bu yil hukumat qaroriga ko’ra, jamoa ishtirok etmadi.