Yangi Google Chromecast va Google Home «funksiyasi»: Find My Home (Uyimni topish)

Google Chromecast va Google Home qurilmalaridagi zaiflik ularning aniq joylashuvini aniqlash imkonini beradi.

Google Chromecast va Google Home qurilmalarida har qanday veb-saytga Google’ning geolokatsiya xizmatidan foydalanish hamda qurilmalarning joylashuvini bir metrgacha bo‘lgan aniqlikda belgilash imkonini beruvchi zaiflik aniqlandi. Odatda, veb-saytlar foydalanuvchi joylashuvi haqidagi umumiy ma’lumotni o‘zlariga ulangan qurilmalarning IP-manzillari asosida oladilar. Biroq, bu usul yuqori aniqlikka ega emas va faqat IP-manzilning geografik joylashuvini taxminiy baholashga imkon beradi. Shu sababli, foydalanuvchi joylashuvini aniqlash uchun Google qurilma o‘rnini uning atrofidagi simsiz tarmoqlarga yaqinligi asosida aniqlovchi yuqori aniqlikdagi geolokatsiya xizmatlaridan foydalanadi.

Tripwire tadqiqotchisi Kreyg Yangning taʼkidlashicha, Google Chromecast va Google Home qurilmalaridagi zaiflik veb-saytlarga yaqin atrofdagi simsiz ulanishlarni aniqlash hamda ularni Google maʼlumotlar bazasi bilan taqqoslash orqali foydalanuvchilarning aniq joylashuvini bilib olish imkonini beradi.

«Ushbu funksiyadan foydalanuvchi Google ilovasi maqsadli qurilmaga bog‘langan Google akkauntiga kirgan bo‘lishingizni talab qilsa-da, aslida protokol darajasida hech qanday autentifikatsiya mexanizmi mavjud emas», — deb ta’kidladi Yang.

Tadqiqotchi zaiflikni atigi uchta manzilda sinab ko‘rdi, biroq har uchala holatda ham veb-saytga uzatilgan geolokatsiya ma’lumotlari aniq bo‘lib chiqdi.