Yangi IoT botneti moliya sektoriga hujum qilmoqda

Yangi IoT botneti moliya sektoriga hujum qilmoqda

Botnet 13 000 dan ortiq qurilmalardan iborat bo’lib, ularning har biri noyob IP-manzilga ega.

Recorded Future xavfsizlik tadqiqotchilari internet televizorlari, veb-kameralar va routerlardan iborat yangi botnetni topdilar. Moliya sektoridagi uchta tashkilot botnet qurboniga aylandi.

Tadqiqotchilarning fikriga ko’ra, botnet IoTroopning bir varianti bo’lib, moliyaviy firmalarga DDoS hujumlarini amalga oshirish uchun ishlatiladi. Mutaxassislarning ta’kidlashicha, bu 2016-yil sentabrida Mirai botnetiga qilingan hujumdan beri eng yirik kiberhujumdir.

Ushbu botnet 13 mingdan ortiq qurilmalardan iborat bo’lib, ularning har biri noyob IP-manzilga ega.

Xavf ostida qolgan qurilmalarning aksariyati Latviyaning MikroTik kompaniyasi tomonidan ishlab chiqarilgan routerlardir. Hujumchilar o’z hujumlarini amalga oshirish uchun routerlarning o’tkazuvchanlik sinov funksiyasidan foydalanayotgan deb taxmin qilinmoqda. Zararlangan qurilmalarning aksariyati Rossiya, Braziliya va Ukrainada joylashgan.

Xabarga ko’ra, zarar ko’rgan firmalardan kamida bittasi mijozlariga xizmatlarni vaqtincha to’xtatishga majbur bo’lgan, ammo zarar miqdori noma’lum.

Tadqiqotchilar botnet nishonga olgan kompaniyalarni nomlamadilar, ammo ular Fortune 500 ro’yxatidagi yirik firmalar ekanligini aytishdi. Hozirda hujumlar ortida kim turgani noma’lum.