Yevropa Ittifoqi kiberhujumlarga javoban cheklovchi choralarni joriy etadi.

Yevropa Ittifoqi kiber va boshqa tahdidlarning oldini olish va ularga qarshi kurashish mexanizmlarini mustahkamlashda davom etadi.

Yevropa Ittifoqi kiberxavfsizlikni mustahkamlash va kibertahdidlar, radikal harakatlar va terrorizmga qarshi samaraliroq kurashish, shuningdek, xavfsizlik masalalari bo’yicha mamlakatlar o’rtasida hamkorlikni rivojlantirish niyatida. Bu 18-oktabr, payshanba kuni e’lon qilingan Yevropa Ittifoqi sammitidan keyingi kommyunikeda e’lon qilindi. Hujjatga ko’ra, Yevropa Ittifoqi xakerlik hujumlariga javoban cheklovchi choralarni joriy etadi. «Kiberhujumlarga cheklovchi choralar orqali javob berish va ularni oldini olish qobiliyati ustida ishlar davom ettirilishi kerak», deb xabar berdi Yevropa Parlamenti matbuot xizmati.

Matbuot bayonotiga ko’ra, Yevropa Ittifoqi gibrid, kiber, kimyoviy, biologik, radiologik va yadroviy tahdidlarning oldini olish va ularga qarshi kurashish mexanizmlarini mustahkamlashda davom etadi. Yevropa Ittifoqining kiberxavfsizligini yaxshilash uchun tegishli takliflar bo’yicha muhokamalar Yevropa Parlamentining amaldagi tarkibi doirasida o’tkazilishi kerak.