Yevropa Ittifoqi kibertahdidlarga qarshi kurashish uchun tezkor choralar ko’rish kuchini yaratadi.

Yevropa Ittifoqining oltita davlati kuchlarni tashkil etish to’g’risidagi bitimni imzoladi.
Litva mudofaa vaziri Raymundas Karoblis Yevropa Ittifoqi ichida kibertahdidlarga qarshi tezkor choralar ko’rish kuchini yaratish boshlanganini e’lon qildi. Bu haqda RIA Novosti axborot agentligi xabar berdi. Vazirning so’zlariga ko’ra, hozirda Yevropa Ittifoqining oltita davlati, ya’ni Estoniya, Xorvatiya, Ruminiya, Litva, Ispaniya va Niderlandiya kuchlarni tashkil etish to’g’risidagi bitimni imzoladi.

“Biz Yevropa kiber tezkor javob berish kuchlari va qoʻshma qoʻllab-quvvatlash mexanizmini yaratish boʻyicha niyat deklaratsiyasini imzolamoqdamiz. Oltita davlat — Estoniya, Xorvatiya, Ruminiya, Litva, Ispaniya va Niderlandiya imzolamoqda”, deb taʼkidladi Karoblis.

Loyiha, shuningdek, «protseduraviy sabablarga ko’ra» hali shartnomani imzolamagan bir qator mamlakatlarni ham o’z ichiga oladi, deb qo’shimcha qildi u.