Air Canada ma’lumotlarining o’g’irlanishi taxminan 20 ming foydalanuvchiga ta’sir ko’rsatdi

Xakerlik urinishi aniqlangandan so’ng, kompaniya barcha 1,7 million akkauntlarni blokladi va foydalanuvchilarni parollarini o’zgartirishga majbur qildi.

Kanadaning eng yirik aviakompaniyasi Air Canadaning taxminan 20 000 mijozining shaxsiy ma’lumotlari buzilgan bo’lishi mumkin. Xakerlik urinishi aniqlangandan so’ng, kompaniya barcha 1,7 million akkauntlarni blokladi va foydalanuvchilarni parollarini o’zgartirishga majbur qildi. Mobil ilova foydalanuvchilari o’z akkauntlariga ta’sir qilinganligi haqida elektron pochta orqali xabarnoma olishdi. Ilova foydalanuvchi nomi, elektron pochta manzili va telefon raqami kabi asosiy ma’lumotlarni saqlaydi. Barcha kredit karta ma’lumotlari shifrlangan va hodisadan ta’sirlanmagan, deb xabar beradi Air Canada.

Kompaniya ma’lumotlariga ko’ra, agar foydalanuvchilar pasport raqamlarini, tug’ilgan sanalarini, fuqaroligini va yashash mamlakatlarini o’z akkaunt profillarida saqlaganlarida, ular o’g’irlanishi mumkin edi.

«Agar tajovuzkor akkauntga kirish imkoniga ega bo’lganida, ismlar yoki elektron pochta manzillari kabi ba’zi ma’lumotlarga kirish mumkin edi», deyiladi Air Canada bayonotida.

Foydalanuvchilar elektron pochta yoki tizimga kirish so’rovlari orqali yuborilgan ko’rsatmalarga amal qilib, o’z hisoblarini qayta faollashtirishlari mumkin.

Ba’zi foydalanuvchilar ijtimoiy tarmoqlarga kirishda muammolar haqida xabar berishdi, ehtimol bu o’z akkauntlarini ochishga urinayotgan mijozlar sonining ko’pligi bilan bog’liq.