Aloqa vazirligi fuqarolarni biometrik autentifikatsiya qilish uchun uskunalarni tekshiradi.

Banklar foydalanadigan texnologiyalarni tekshirish uchun barcha tegishli ma’lumotlarni vazirlikka yuborishlari shart.

Rossiya Aloqa va ommaviy kommunikatsiyalar vazirligining yangi buyrug’iga ko’ra, biometrik identifikatsiyadan foydalanadigan moliya va boshqa muassasalar o’z uskunalarining belgilangan standartlarga mos kelishini tasdiqlashlari shart. «Izvestiya» gazetasining yozishicha, banklar foydalanadigan texnologiyalarni tekshirish uchun barcha tegishli ma’lumotlarni vazirlikka yuborishlari shart. Joriy yilning 1 iyulidan boshlab rossiyaliklar bank va boshqa xizmatlarni olayotganda biometrik ma’lumotlar (yuz tasviri va ovoz namunasi) yordamida shaxsini masofadan turib tasdiqlashlari mumkin. Fuqarolar avval davlat xizmatlari portalida ro’yxatdan o’tishlari, so’ngra istalgan bankda shaxsan biometrik ma’lumotlarni taqdim etishlari kerak.

Moliyaviy va boshqa tashkilotlar allaqachon fuqarolarning biometrik ma’lumotlarini to’plash uchun maxsus uskunalar sotib olishmoqda. Aloqa vazirligining buyrug’iga ko’ra, barcha qurilmalar belgilangan talablarga muvofiqligi tekshirilishi kerak. Biometrik identifikatsiya uskunalari haqidagi barcha ma’lumotlar vazirlik veb-saytida e’lon qilinadi.

Banklar regulyatorga ishlatiladigan qurilmalarning nomlari, shaxslarni ro’yxatdan o’tkazishda fokus masofasi ma’lumotlari, operatsion hujjatlar va uskunadan foydalanish uchun egalik huquqini tasdiqlovchi hujjat yoki boshqa asoslar kabi ma’lumotlarni taqdim etishlari shart. Tekshirish jarayoni 30 kun davom etadi. Agar biron bir sababga ko’ra texnik uskunadan foydalanib bo’lmasa, tashkilot bu haqda regulyatorga xabar berishi shart.