AQSh Demokratik partiyasiga qilingan xakerlik hujumi mashg’ulotga aylandi.

Michigan Demokratik partiyasi Milliy qo’mitaga xabar bermasdan xavfsizlik sinovlarini o’tkazdi.

Demokratik Milliy Qo’mitaning saylovchilar ma’lumotlar bazasini buzishga urinish xavfsizlik sinovi bo’lib chiqdi. 23-avgust, payshanba kuni Demokratik partiya rasmiylari CNN telekanaliga xatoga yo’l qo’yganliklarini va yolg’on signal berganliklarini tasdiqlashdi. «Tramp ma’muriyati saylovlarimizga xorijiy aralashuvga qarshi kurashishdan bosh tortganini hisobga olgan holda, biz kiberxavfsizligimizni himoya qilish uchun qo’shimcha choralar ko’rdik. Ko’rgan ko’plab ehtiyot choralari orasida raqamli hamkorlarimiz intensiv mashg’ulotlardan so’ng sinov o’tkazdilar. Xato va yolg’on signalga qaramay, eng muhimi, bizning xavfsizlik tizimlarimiz ishlayapti», dedi Michigan Demokratik partiyasi raisi Brandon Dillon.

Dushanba, 20-avgust kuni Lookout xavfsizlik kompaniyasi saylovchilar ma’lumotlar bazasiga kirish sahifasi sifatida niqoblangan fishing veb-saytini aniqladi. Lookout bu haqda Milliy saylov qo’mitasiga xabar berdi, ular esa o’z navbatida FQB bilan bog’lanishdi.

Siyosiy tashkilotlar odatda o’z tizimlarining xavfsizligini vaqti-vaqti bilan sinab ko’rishadi, ammo bu safar Michigan Demokratik partiyasi Milliy qo’mitaga oldindan xabar bermasdan sinovlar o’tkazdi.