Burger King ilovasi ekranlar va bank karta ma’lumotlarini yozib oldi

Ilova shuningdek, ekranga bosishlarni yozib olishi va ularni video bilan taqqoslashi mumkin.

Restoranlarida chegirmalar taklif qiluvchi Burger King mobil ilovasi foydalanuvchining smartfon ekranidan yashirincha video yozib oladi. Muammoni fennikami ismli Pikabu foydalanuvchisi ilovani tahlil qilayotganda aniqladi.

Uning so’zlariga ko’ra, ilova faol bo’lganda, foydalanuvchi buyurtma uchun to’lovni amalga oshirish uchun kredit karta ma’lumotlarini kiritgan taqdirda ham, qurilma ekranini doimiy ravishda yozib oladi va ma’lumotlarni serverga yuboradi. Bundan tashqari, ilova ekranga bosishlarni yozib olishi va ularni video bilan taqqoslashi mumkin.

Fennikami ta’kidlaganidek, Burger King ilovasi va AppSee platformasini ishlab chiquvchilardan tashqari, AppSee hamkorlari ham ma’lumotlarga kirish huquqiga ega.

AppSee metrikasi foydalanuvchi faolligini o’lchash va ularning ilovalar bilan o’zaro ta’sirini baholash imkonini beradi.

Burger King vakillari hali vaziyat haqida izoh berishmadi.

Eslatib o’tamiz, avvalroq Telegram messenjeri foydalanuvchilarning yozishmalarini o’qiganlikda gumon qilingan edi.