Buyuk Britaniyaning yirik chakana savdo kompaniyasi — Dixons Carphone maʼlumotlar sizib chiqishi holatiga duch keldi.

Hujumchilar taxminan 1,2 million mijozga oid ma’lumotlarni o‘g‘irlab ketishdi.

BBC News xabariga ko‘ra, Britaniyaning elektronika mahsulotlari sotuvchi Dixons Carphone kompaniyasi kiberhujumga uchradi; hujumchilar taxminan 1,2 million mijozga oid ma’lumotlarni o‘g‘irlashga muvaffaq bo‘lishdi. Dixons Carphone vakillarining ma’lum qilishicha, xakerlar, shuningdek, qariyb 5,8 million bank kartasiga oid ma’lumotlarni qo‘lga kiritishga urinib ko‘rishgan, biroq faqat PIN-kod bilan himoyalangan 105 000 ta karta bo‘yicha ma’lumotlarni olishga erishgan xolos.

Kompaniya hozirda maʼlumotlar sizib chiqishidan zarar ko‘rgan foydalanuvchilarni xabardor qildi va xavfsizlikni kuchaytirish bo‘yicha tegishli choralarni ko‘rdi.

«Biz ruxsatsiz kirish ehtimolini bartaraf etish choralarini ko‘rdik. Garchi hozircha ushbu hodisa oqibatida yuzaga kelgan hech qanday firibgarlik holati aniqlanmagan bo‘lsa-da, biz masalaga o‘ta jiddiy yondashmoqdamiz», — deb ma’lum qildi Dixons Carphone.