Family Orbit deyarli himoyalanmagan serverda bolalarning 281 Gb fotosuratlarini joylashtirdi.

Xaker josuslik dasturlarini sotadigan kompaniyaning bulut serverlariga parolni osongina topdi.

Motherboard xabar berishicha, josuslik dasturi ishlab chiqaruvchi Family Orbit o’zining bulutli fotosuratlarni saqlash serverlarini xakerlar hujumiga qarshi himoyasiz qoldirgan. Serverlarni buzib kirgan xaker Family Orbit bulut serverlarining parolini topib olganini da’vo qildi. Serverlarda josuslik dasturi tomonidan qo’lga olingan yuzlab bolalarning fotosuratlari bor edi.

«Men barcha fotosuratlarni bolalar telefonlaridan, shuningdek, ishlab chiquvchilarning ish stollarining bir nechta skrinshotlaridan yuklab olgan edim, ular parollar va boshqa sirlarni oshkor qilishi mumkin edi», dedi xaker onlayn chatda.

Kompaniya 281 gigabaytlik rasm va videolarni o’z ichiga olgan 3836 ta konteynerni deyarli himoyalanmagan holda qoldirdi. Xaker papkalarga kirish huquqini tasdiqlovchi skrinshotlarni ulashdi.

Family Orbit vakili API kaliti ilova ichida shifrlangan holda saqlanganligini tasdiqladi.

«Biz darhol API kalitimiz va kirish ma’lumotlarimizni o’zgartirdik. Barcha zaifliklarni bartaraf etmagunimizcha savdo va xizmatlar o’chirib qo’yildi», deb ta’kidladi kompaniya vakili.