Inson huquqlari faollari YouTube’ni bolalar ma’lumotlarini noqonuniy ravishda to‘plashda ayblamoqda.

Inson huquqlari faollari YouTube’ni bolalar ma’lumotlarini noqonuniy ravishda to‘plashda ayblamoqda.

YouTube egasi Google’dan kamida 41 million dollar jarima so‘ramoqda.

CNN xabar berishicha, 13 yoshgacha bo‘lgan bolalardan noqonuniy ravishda ma’lumot to‘plagani uchun YouTube’ga qarshi yigirma uchta inson huquqlari tashkiloti AQSh Federal Savdo Komissiyasiga qo‘shma shikoyat arizasi bilan murojaat qildi.

Shikoyatga ko’ra, videoxosting sayti mashhur kanallarga obuna bo’lganlarning ota-onalarining roziligisiz maxfiy ma’lumotlarni to’plash orqali Bolalarning onlayn maxfiyligini himoya qilish to’g’risidagi qonunni buzadi. Ushbu qoidabuzarlik bir necha yillar davomida 23 milliondan ortiq bolaning huquqlarini buzdi. Huquq faollari YouTube egasi Google uchun kamida 41 million dollar jarima talab qilmoqda.

«Google YouTube’da bolalarning shaxsiy maʼlumotlarini toʻplash va ulardan foydalanishdan foyda koʻradi. Bu yillar davomida davom etib kelmoqda va Qoʻshma Shtatlardagi oʻn millionlab bolalarga taʼsir qilmoqda», deyiladi shikoyatda.

Google vakillarining so’zlariga ko’ra, kompaniya allaqachon shikoyatga javob bergan va muammoning mumkin bo’lgan yechimlarini qidirmoqda.