Kiberjinoyatchilar kiberhujumlarda sun’iy intellektdan foydalanadilar.

G‘arazli niyatdagi shaxslar turli bank tizimlari haqida tezroq ma’lumot to‘plash uchun yangi texnologiyalarni o‘zlashtirmoqdalar.

Hujumchilar banklarga qarshi kiberhujumlarda foydalanish uchun sun’iy intellektga asoslangan texnologiyalarni qo‘llay boshladilar. Bu haqda «Sberbank» boshqaruvi raisi o‘rinbosari Stanislav Kuznetsov TASS axborot agentligi jurnalistlariga ma’lum qildi. Kuznetsovning so‘zlariga ko‘ra, yil boshidan buyon bank sektoriga uyushtirilgan xakerlik hujumlari soni 1,5–1,8 baravarga oshgan.

«Hujumlar rivojlanib, sunʼiy intellekt elementlarini o‘z ichiga ola boshladi; bu esa mudofaa tuzilmalari hamda bankning o‘z texnologik va operatsion tizimlari — jumladan, xavfsizlik tizimlari — arxitekturasi haqida maʼlumot to‘plash imkonini bermoqda», — deya qo‘shimcha qildi u.

Bundan tashqari, rais o‘rinbosari Rossiyada bo‘lib o‘tadigan 2018-yilgi futbol bo‘yicha jahon chempionati arafasida xakerlar faolligining oshishi munosabati bilan xavotir bildirdi.

«Kiber-tahdidlarga kelsak, ular avval ham bo‘lgan, hozir ham mavjud va shubhasiz, kelgusida ham saqlanib qoladi. Biz muayyan kiber-xatarlarni yaxshi anglaymiz va kiberjinoyatchilar tomonidan Jahon chempionatiga alohida e’tibor qaratilishini kutmoqdamiz. Shu bois, ushbu xatarlarni kamaytirish maqsadida davlat tomonidan qo‘shimcha himoya choralari ko‘rilayotganidan xabardormiz. Kredit tashkilotlari va moliya sektori darajasida ham biz hozirda yuqori hushyorlikni talab qiluvchi qo‘shimcha choralarni amalga oshirmoqdamiz va buni davom ettiramiz», — dedi Kuznetsov.