Mastercard xarid ma’lumotlarini Google bilan baham ko’radi

Agar foydalanuvchi mahsulotni sotish reklamasini ko’rib, keyin uni 30 kun ichida sotib olgan bo’lsa, ma’lumotlar uzatiladi.

Mastercard oʻz mijozlarining xarid maʼlumotlarini Google bilan baham koʻradi. Xususan, Bloomberg xabar berishicha, Google foydalanuvchilar qidiruv tizimi tomonidan reklama qilingan mahsulotlarni sotib olganmi yoki yoʻqmi haqida maʼlumot oladi. Vaziyatdan xabardor manbalarga koʻra, nafaqat onlayn, balki jismoniy doʻkonlarda ham amalga oshirilgan xaridlar kuzatiladi. Maʼlumotlar faqat foydalanuvchi Google akkauntiga kirgan, mahsulot reklamasini koʻrgan va keyin uni 30 kun ichida sotib olgan taqdirdagina toʻplanadi.

Manbalarga ko’ra, kompaniyalar o’rtasidagi ushbu kelishuv bir yildan beri amalda, ammo ommaga e’lon qilinmagan. Axborot agentligi manbalarining qo’shimcha qilishicha, kelishuv Googlega bir necha million dollarga tushgan.

Google va Mastercard vakillari vaziyatga beparvolik bilan munosabat bildirishdi va hech qanday tranzaksiya ma’lumotlari yoki shaxsiy ma’lumotlar uzatilmayotganini ta’kidlashdi.