Microsoft Edge’ning Chromium’ga o‘tishini tasdiqladi.

Birinchi sinov versiyalari 2019 yil boshida chiqarilishi rejalashtirilgan.

Microsoft o’zining Edge brauzerining Chromium ochiq kodli veb-brauzer platformasiga o’tishini rasman tasdiqladi. Birinchi sinov versiyalari 2019-yil boshida chiqarilishi rejalashtirilgan. Edge-ning yangi versiyasi ustida ish olib borish doirasida kompaniya Chromium loyihasiga katta hissa qo’shishni rejalashtirmoqda, bu esa shaxsiy kompyuterlarda ham, boshqa qurilmalarda ham Chromium asosidagi boshqa brauzerlarni yaxshilashga yordam beradi. Kundalik foydalanuvchilar uchun Chromium-ga o’tish veb-saytlarning yaxshiroq moslashuvi va Windows qurilmalarida batareya quvvatining yaxshilanishini anglatadi. Veb-ishlab chiquvchilar veb-saytlarni sinovdan o’tkazish uchun kamroq parchalangan platformaga ega bo’ladilar va korporativ IT mutaxassislari eski Internet Explorer saytlari va eng so’nggi ilovalar bilan mos keladigan brauzerdan foydalanishlari mumkin bo’ladi.

Kompaniya Microsoft Edge’ning yangi avlodi Windows’ning barcha qo‘llab-quvvatlanadigan versiyalari uchun chiqarilishini, macOS kabi boshqa platformalar uchun ham versiyalarini chiqarishni rejalashtirayotganini ta’kidladi. Microsoft shuningdek, Edge’ni tez-tez yangilab turishga va’da berdi.