Roskomnadzor Telegram’ga qo‘yilgan taqiqni chetlab o‘tish uchun vositalarni bloklash imkoniyatiga ruxsat berdi.

Roskomnadzor Telegram’ga qo‘yilgan taqiqni chetlab o‘tish uchun vositalarni bloklash imkoniyatiga ruxsat berdi.

Har qanday vositani bloklash faqat vakolatli organlardan so’rov olingandan keyingina amalga oshiriladi.

Roskomnadzor rahbari Aleksandr Jarov Telegram messenjeriga qo’yilgan taqiqni chetlab o’tish uchun ishlatiladigan vositalarni vakolatli organlardan so’rov olingandan so’ng bloklash imkoniyatini istisno qilmadi.

Jarov RIA Novosti agentligiga bergan intervyusida aytganidek, Rossiya qonunchiligida zarurat tug’ilganda ayrim VPN xizmatlariga kirishni cheklash imkonini beruvchi mexanizmlar allaqachon mavjud.

Shuningdek, u har qanday vositani blokirovka qilish faqat vakolatli organlardan so’rov olingandan keyingina amalga oshirilishini ta’kidladi.

«Agar biz faoliyat yuritadigan axborot tarqatish tashkilotchilari to’g’risidagi qonunga e’tibor bersangiz, biz tergov funktsiyalariga ega idoralardan olgan hujjatlar asosida choralar ko’ramiz. Aftidan, biz aynan shunday yo’l tutishda davom etamiz», deya Interfaks agentligi Jarovning so’zlaridan iqtibos keltiradi.

Agentlik rahbari qo’shimcha qilganidek, Roskomnadzor telekommunikatsiya operatorlarining messenjerni blokirovka qilish talablariga rioya qilishini kuzatib boradi, ammo foydalanuvchilarning aylanib o’tish vositalaridan foydalanishini kuzatmaydi.

2017-yil 1-noyabrda Rossiyada anonimlashtiruvchilardan taqiqlangan internet-resurslarga kirishni blokirovka qilishni talab qiluvchi qonun kuchga kirdi. «Axborot, axborot texnologiyalari va axborotni himoya qilish to’g’risida»gi qonunga kiritilgan ushbu o’zgartirishlar VPN xizmatlari va blokirovkani chetlab o’tishning boshqa vositalari egalaridan Roskomnadzor tomonidan taqiqlangan ma’lumotlar ro’yxatiga kiritilgan veb-saytlarga kirishni blokirovka qilishni talab qiladi.